關於今年生日，其實真係令我好忐忑…我有陣時會覺得自己好冷血，對住好多野我都冇感覺，但係一關係到我啲朋友就會好上心，我自問我叫得出你做朋友嘅話，你有咩事我一定幫到足，就算我冇能力，我都會嘗試去幫手諗辦法，我真係幾乎當每一個我識嘅人係好朋友！！ 我相信每個人都一定試過比人放飛機，正常泥講，感覺真係一啲都唔好受。咁你又試想像下，係一年入面你最"大"哥日，廿幾三十個朋友一齊放你飛機，哥種難受程度，到而家我都仲係屈住屈住係個心到…… 有好多朋友都安慰我，同我講攪得大型活動嘅…預左啦！我知…生日……年年都有，老實講我唔係想收到啲咩…我真係寧願一份禮物都冇，都唔想任何一個朋友缺席！！因為你地嘅出現，個份心意，對我泥講已經係最好嘅禮物……我淨係想係我最開心嘅晚上，有你地係我身邊，同我分享呢份喜悅！！ 點解我三年冇攪過生日姐，就係驚比人甩底>"<其實今年我真係鼓起左好大勇氣，亦都嘗試去相信你地會重視我，相信你地唔會放我飛機………但係呢幾日，我愈諗愈發覺哥日冇泥嘅，真係比我想像中多好多…好多……… 我唔係想追究或啲咩，亦唔係講緊邊幾個特定嘅人，我都知道有好多人真係調唔到更或者假，有啲確係有事要處理…… 數數手指…如果我再隔三年攪生日，到時應該係三十大壽，如無意外我都應該會攪攪佢，所以未來三年，我都會留起一個願望，就係我三十大壽哥日，再冇人甩我底，希望同一個願望連續許三年會靈驗啲>@< 最後係十五號晚有出席嘅朋友們，好多謝你地，你地令我有一個好難忘而又開心嘅晚上^*^真係十萬個感激！！
